ಮುನ್ನೋಟ
ವಿಶ್ವದಲ್ಲಿ ಪ್ರಮುಖ 10 ವೈಟ್ ಸಿಮೆಂಟ್ ಕಂಪನಿಗಳ ಪೈಕಿ ಬಿರ್ಲಾ ವೈಟ್ ಪ್ರಮುಖ ಸ್ಥಾನದಲ್ಲಿದೆ. ಹಲವು ವರ್ಷಗಳಿಂದಲೂ, ಹಲವು ಮೌಲ್ಯವರ್ಧಿತ ಉತ್ಪನ್ನಗಳನ್ನು ನಾವು ಪರಿಚಯಿಸಿದ್ದೇವೆ ಮತ್ತು ಪ್ರೀಮಿಯಂ ವೈಟ್ ಸಿಮೆಂಟ್ ಕಂಪನಿಗಳ ಪೈಕಿ ನಮ್ಮ ಸ್ಥಾನವನ್ನು ಕಾಯ್ದುಕೊಂಡಿದ್ದೇವೆ.
ನಮ್ಮ ವಿಸ್ತರಣೆಯ ಪಯಣ ನಮಗೆ ಹಲವು ಮೆಚ್ಚುಗೆಯನ್ನು ಒದಗಿಸಿಕೊಟ್ಟಿದೆ. ಹೀಗಾಗಿ, ನಾವು ನಮ್ಮ ಸಿಎಸ್ಆರ್ ಪ್ರೋಗ್ರಾಮ್ಗಳನ್ನು ವಿಸ್ತರಿಸುವ ಮೂಲಕ ಸಮಾಜಕ್ಕೆ ಕೊಡುಗೆ ನೀಡಲು ನಿರ್ಧರಿಸಿದ್ದೇವೆ. ನಾವು ಹಲವು ಪ್ರದೇಶಗಳಲ್ಲಿ ಗ್ರಾಮೀಣಾಭಿವೃದ್ಧಿ ಯೋಜನೆಗಳು ಮತ್ತು ಸೇವೆಗಳನ್ನು ಆರಂಭಿಸಿದ್ದೇವೆ. ಶಿಕ್ಷಣ, ಆರೋಗ್ಯ ಮತ್ತು ನೈರ್ಮಲ್ಯ, ಮಹಿಳಾ ಸಬಲೀಕರಣ, ಸೂಕ್ಷ್ಮ ಹಣಕಾಸು, ಸುಸ್ಥಿರ ಜೀವನಾವಶ್ಯಕತೆ, ಜಾನುವಾರು ಮತ್ತು ಮೂಲಸೌಕರ್ಯ ಅಭಿವೃದ್ಧಿಯೂ ಇದರಲ್ಲಿ ಒಳಗೊಂಡಿದೆ.
ಸಮಾಜ ಕಲ್ಯಾಣ
ನಮ್ಮ ಹಲವು ಕಲ್ಯಾಣ ಕಾರ್ಯಕ್ರಮಗಳ ಮೂಲಕ ನಾವು, ಆರೋಗ್ಯ ಸಮಸ್ಯೆಗಳು, ಶೈಕ್ಷಣಿಕ ಸಮಸ್ಯೆಗಳನ್ನು ಪರಿಹರಿಸಿದ್ದೇವೆ ಮತ್ತು ನಮ್ಮ ಸುತ್ತಲೂ ವಾಸಿಸುತ್ತಿರುವವರ ಒಟ್ಟಾರೆ ಜೀವನ ಮಟ್ಟ ಸುಧಾರಿಸುವುದರ ಮೇಲೆ ಗಮನ ಹರಿಸಿದ್ದೇವೆ. ನಾವು ಸಾಮಾಜಿಕ ಸಂಪರ್ಕ ಸಭೆಗಳನ್ನು ನಡೆಸಿ, ಅಗತ್ಯವಿದ್ದವರಿಗೆ ಅಗತ್ಯ ಸಾಮಗ್ರಿ ವಿತರಿಸಿದ್ದೇವೆ, ಆಧಾರ್ ಕಾರ್ಡ್ ಕ್ಯಾಂಪ್ಗಳನ್ನು ನಡೆಸಿದ್ದೇವೆ ಮತ್ತು ಸಸಿ ನೆಡುವ ಕಾರ್ಯಕ್ರಮಗಳನ್ನೂ ನಡೆಸಿದ್ದೇವೆ. ನಮ್ಮ ಪ್ರಯತ್ನಗಳ ಮೂಲಕ, ಸಮಾಜದ ಉನ್ನತೀಕರಣಕ್ಕೆ ನಾವು ಕೊಡುಗೆ ನೀಡುತ್ತಿದ್ದೇವೆ.